قصيدة البارحه

اهداء لكل متذوق وكل من يعشق الكلمات
اخوكم (علي لافي)

البارحه ماني مع الناس موجود=قلبي رجف للى ضلوعي حناها
الحال من فرقا المحبين مهدود=يوم البلاوي ماكفتني اذاها
ياليل كني للسهرفيك موعود=يبست معاليق الحشا من بكاها
ويلاه ياقلب من الشوق مجحود=كن الليالي زينت له اساها
قمت اذكر اللى تالي الوقت مفقود=اللى منع عطشا الزمن دون ماها
في وسط عينه سحر حجانه السود=لون الشفق خذ من عيونه حلاها
يشبه كما حر عن الحوم مقيود=دنياه دارت ثم وقف رحاها
ضاري ومخلابه على الصيد محدود=لاحام ينزع من عروقي دفاها
طير عليه القلب ياخوك موقود=لارفرفت جنحان قلبي لواها
مرباه في ديرة هل الطيب والجود=ذيك الديار اللى عشقنا ثراها
قيعانها تعشق مع يابس العود=يوم انتثر سرب القطا في سماها
نشري الخبر عن حالي القد ياسعود=لاضاعت اخباره نزحنا وراها
يارب ياللي للمخاليق معبود=يسرعلى ركب المطايا خطاها

شعر(ابوسلطان)

يعطيك الصحه والعافيه على القصيده
صح لسانك ومشكور وتقبل مروري
اخوك شبيه الريح

تسلم يا شاعر القنفذه صح لسانك

كلمات في قمة الجمال
صح لسان الشاعر
دمتِ كما تحبِ

أبو سلطان

الله الله عليك على هذه القصيده التي تحمل الكثير من المعاني


قصيده رائعه واشكرك على هذه القصيده


تسلم والله يعطيك الف عافيه